សមត្ថកិច្ចចម្រុះឆែកផ្ទះ២ល្វែងក្នុងបុរីសៀង ណាំប្រទះឃើញ នំប្រភេទ កូនក្មេង ក្លែងបន្លំម៉ាក
31-May-2019 | ដោយ ពលមនសិការ
សៀមរាប៖ កម្លាំងសមត្ថកិច្ចចម្រុះរួមមាន នគរបាលសេដ្ឋកិច្ចក្រសួងមហាផ្ទៃ និងកម្លាំងសមត្ថកិច្ចជំនាញក្នុងខេត្ត ព្រមទាំង អាជ្ញាធរមូលដ្ឋាន ក្រោមការដឹកនាំសម្របសម្រួល ដោយអាយ្យការ អមសាលាដំបូងខេត្តសៀមរាប បានចុះឆែកឆេរ ឃ្លាំងស្តុកទំនិញចំនួន២ល្វែង ក្នុងបុរីសៀង ណាំ តាមពាក្យបណ្តឹងរបស់ក្រុមហ៊ុន១ ដែលផលិតផ្តាច់មុខនៅភ្នំពេញ រហូតឈានដល់បិទឃ្លាំងនិងឃាត់ខ្លួនម្ចាស់ទីតាំងយកទៅសួរនាំ។
ហេតុការណ៍នេះធ្វើឡើងចាប់ពីវេលាម៉ោង១១និង០០នាទីរហូតដល់ម៉ោង២រសៀល ថ្ងៃទី៣០ ខែឧសភា ឆ្នាំ២០១៩ ស្ថិតនៅបរិវេនក្នុងផ្សារបុរីសៀងណាំ១ ក្នុងភូមិខា្នរ សង្កាត់ជ្រាវ ក្រុងសៀមរាប។
សមត្ថកិច្ចបានឲ្យដឹងថា ដោយមានពាក្យបណ្តឹងរបស់ម្ចាស់ក្រុមហ៊ុនដើម ដែលផលិតនំ កូនក្មេង ផ្តាច់មុខនៅភ្នំពេញ ដែលបានចុះបញ្ជីការត្រឹមត្រូវ ទើបកម្លាំងចម្រុះរួមមាន កម្លាំងនគរបាល សេដ្ឋកិច្ច មកពីក្រសួង ,កម្លាំងនគរបាលការិយាល័យប្រឆាំងបទល្មើស សេដ្ឋកិច្ចខេត្តសៀមរាប,មន្ត្រីកាំកុងត្រូល,កម្លាំងនគរបាលប៉ុស្តិ៍សង្កាត់ជ្រាវនិងអាជ្ញាធរមូលដ្ឋាន ដឹកនាំ សម្របសម្រួល ដោយ លោក ថេង សំណាង ព្រះរាជ្ញអាជ្ញារង អមសាលាដំបូងខេត្តសៀមរាប បានចុះឆែកឆេរ រកទំនិញ ដែលជាប្រភេទនំកូនក្មេង ត្រូវបានម្ចាស់ទីតាំងខាងលើ បានលួចក្លែងបន្លំម៉ាកយកមកលក់ពេញទីខេត្តសៀមរាប ដែល ជារបស់ក្រុមហ៊ុន គេមានចុះបញ្ជីការត្រឹមត្រូវ ព្រមទាំងនាំខ្លួនម្ចាស់ទីតាំង យកទៅសួរនាំនៅស្នងការខេត្ត និងបិទឃ្លាំងទាំង២ល្វែង មានលេខ ១១៥ និង ១១២ ផ្លូវលេខ ១២ នៅក្នុងបុរីសៀងណាំ ស្ថិតនៅភូមិខា្នរ សង្កាត់ជ្រាវ ក្រុង/ខេត្តសៀមរាប ជាបណ្តោះអសន្ននោះផងដែរ។ ម្ចាស់ទីតាំងទាំង២ល្វែងនោះមាន៖(ប្តី)ឈ្មោះ ជុក ឆៃ អាយុប្រហែលជាង៥០ឆ្នាំ និង ប្រពន្ធ ឈ្មោះ អ៊ឹង ជូ អាយុប្រហែលជាង៤០ឆ្នាំ មានទីលំនៅបច្ចុប្បន្នភូមិខា្នរ សង្កាត់ជ្រាវ ក្រុង/ខេត្តសៀមរាប។
ក្រោយពីបានចុះឆែកឆេរ រកឃើញភ័ស្តុតាង រួចមក កម្លាំងជំនាញក៏បានចោទពីបទល្មើស កម្មសិទ្ធបញ្ញា ដែលក្រុមហ៊ុន បានចុះបញ្ជីការត្រឹមត្រូវ ហើយ នាំខ្លួន (ប្តី)ម្ចាស់ទីតាំងទាំង២ល្វែងនោះ យកទៅសួរនាំនៅស្នងការនគរបាលខេត្តសៀមរាប ព្រមទាំង បិទទីតាំងទាំង២ល្វែងខាងលើនោះជាបណ្តោះអសន្នផងដែរ។
ទាក់ទិន ទៅនឹងករណីខាងលើនេះ មហាជន បាននិយាយថា ក្នុងបុរីសៀងណាំ មានរថយន្តដឹកទំនិញធំៗយកមកស្តុបនិងសាងចុះឡើង ជារៀងរាល់ថ្ងៃ មិនដែលឃើញមានសមត្ថកិច្ចជំនាញខាងណាមួយចុះមកបង្ក្រាបសោះឡើយ ។ព្រោះទំនិញគេចពន្ធចេញពី ប៉ោយប៉ែត,អូរស្មាច់,ជាំសាង៉ាំ បានសម្រុកចេញដូចព្យុះគ្មានឃើញស្រមោល គយខេត្តសៀមរាបចុះបង្ក្រាបម្តងណាសោះឡើយ ហើយមហាជនដាក់ការសង្ស័យថា ជាការឃុបឃិតគ្នាធ្វើឲ្យកើតមានអំពើពុករលួយ និងអាចនាំឲ្យប៉ះពាល់ដល់សុខភាពពលរដ្ឋយ៉ាងធ្ងន់ធ្ងរផងដែរ ៕
ចំនួនអ្នកទស្សនា
- ថ្ងៃនេះ5411
- ម្សិលមិញ12101
- សប្តាហ៍នេះ17521
- ខែនេះ132671
- ឆ្នាំនេះ132671
- សរុប20575127